设为首页收藏本站

东莞大岭山网

 找回密码
 注册岭友

QQ登录

只需一步,快速开始

快捷登录

查看: 3254|回复: 13

[住家美食] 九月中旬的大闸蟹宴,流口水!忍不住的不进来!

[复制链接]
发表于 2008-11-2 22:19:00 | 显示全部楼层 |阅读模式

每年总会叫江苏的老友帮手买大闸蟹来食,通常距都系先订好机票,然后早上去湖边买蟹,跟住就去机场,下午我地去接机,晚上就入左我地个肚啦!!哈哈!!
今年也不例外,正所谓“九月圆脐十月尖”,即系话农历九月食蟹乸十月食蟹公,近两年因为水质既关系,都系食太湖既大闸蟹,今年买左35只乸15只公,公既基本都系七两以上,乸既就系五两到六两之间,所谓大闸蟹,按距地本地人既解释就系大煮(江苏话煮和闸系同音)蟹既意思,以前江苏既朋友第一次煮蟹给我们食时,我地个个都觉得好奇怪,心唸:煮蟹??米搞到水汪汪??嘥D涡!!!点知一食落先知老人家讲既野冇错!正所谓一方水土养一方人,距地本地人既食法点会错既呢!!真系又香又滑,同蒸既完全系两回事,而我亦经过左两年既训练(其实就系煮过四次甘多!哈哈!!连埋今次先系第五次!)今次我也顺便教大家一个好简单好好用既煮蟹方法,又吾使担心蒸蟹屋企个火吾够猛!!
首先要准备大量既姜(不用刮皮,落煲前用刀身大力拍烂)、洗干净既葱(要留葱头)、盐、几支廉价既花雕,跟住就搵一个企身D既煲,先放三份二左右既自然温度既水(俗称冻水!哈哈!),然后先倒半包盐落煲,跟住就椤大约七到八条葱从中间拗断后放落煲,姜一大块,拍烂落煲。之后就开始放蟹落煲啦!蟹不用洗,之前先用自来水尽量冲,以去除因放得时间长而产生既气味,捉蟹时要特别小心,因为江苏本地既蟹都不会用绳绑既,我就未食蟹先流蚊饭,连手指甲都比只蟹公钳到裂左D啊!痛到飞起!
每煲落几多只蟹就是乎个煲有几大啦!但就吾好用嚄,因为嚄上宽下窄,D蟹又可以爬到旁边,受热吾均匀,煮出来既蟹吾好食。落好蟹后盖好煲盖就等水滚啦!系等待水滚既过程你就会听到D蟹挣扎时既抓煲声音,其实真系几残忍既!印证左中国人饮食文化里面所讲既:越系用残忍既方法做出来既食物就越好食!类似“红烧鸭掌”之类既菜式亦系证明,呢度就先吾讲啦!
等到水滚后,就倒半支花雕落去个煲度(吾使担心D蟹会有酒味,一D酒味都冇既,只会更香!),然后又盖好煲盖,好快就会第二次水滚,系呢个时候就先打开煲盖,然后仔细睇下水面有冇蟹油飘系上面,如果见到有,就要立即关火,再盖好煲盖焗三分钟。之后就大功告成,将蟹捞出来,D姜、葱、水全部倒晒,因为姜葱都系只用一次既!
用呢个方法煮既蟹真系好正!因为用冷水落蟹黎煮,D水慢慢甘热,D蟹系呢个过程会将D污糟野全部吐晒出来,所以打开个蟹盖既时候里面吾会有D蟹屎之类既野(蟹掩位置除外),而且D蟹膏特别滑,因为系慢慢甘加温,而且水温最高都只系100摄氏度。吾似用蒸既方法,蟹膏由常温到高温经过很短时间,蟹膏往往会蒸到有硬既感觉,蟹肉就会有老既感觉,影响晒口感。
如果系市场买返黎既蟹有绳扎住,就最好先剪晒D绳,然后用水将D蟹冲洗一下就OK啦!
另外有三样一定要记住,第一就系一定要冷水落蟹,千其米偷懒用热水落蟹,吾系就不但D蟹脚会全部甩晒,仲会味道差好远!第二就系煮过蟹既水同姜葱一定要倒晒,吾可以用第二次,因为落姜葱既目的系驱除蟹既寒凉同腥味。所以买姜葱既时候尽量买多一D,吾系吾够用就浪费左D蟹啊!第三就系当第二次水滚时见到蟹油就一定要关火,因为见到蟹油就即系D蟹油已经开始从蟹身同关节之间渗出来了,如果不关火就会讲D蟹油逼晒出黎咖啦!
以前每年都系“潮景”借个厨房位煲蟹,然后再点其他送菜。呢两年改成系自己屋企,搞到“潮景”个老板都话冇左甘新鲜既大闸蟹食啊!!哈哈!!

更多图片 小图 大图
组图打开中,请稍候......
发表于 2008-11-2 23:28:04 | 显示全部楼层
我哋幾時都穩D野食搞下FB
发表于 2008-11-3 03:10:00 | 显示全部楼层
今早有人派卡片夹在车上,说是阳澄湖大闸蟹公司大岭山办事处可以提供货源,不知道是真是假呢
发表于 2008-11-3 03:10:37 | 显示全部楼层
看上面的照片要掉口水了。。。
发表于 2008-11-3 09:40:06 | 显示全部楼层
 楼主| 发表于 2008-11-5 14:44:13 | 显示全部楼层
原帖由 mckawayi 于 2008-11-3 03:10 发表
今早有人派卡片夹在车上,说是阳澄湖大闸蟹公司大岭山办事处可以提供货源,不知道是真是假呢


我都有收到卡片,他夹在车窗口的,应该不是正宗的阳澄湖大闸蟹。
发表于 2008-11-6 15:01:10 | 显示全部楼层
江蘇的才是真野
我老師就是江蘇人,她也10月底時翻咗去吃大閘蟹了
发表于 2008-11-8 14:30:06 | 显示全部楼层
睇到流晒口水
发表于 2012-4-23 23:31:24 | 显示全部楼层
哇,好似好好味啊
发表于 2012-8-28 20:31:03 | 显示全部楼层
众里寻他千百度,蓦然回首在这里!
您需要登录后才可以回帖 登录 | 注册岭友

本版积分规则

QQ|小黑屋|Archiver|东莞大岭山网    粤ICP备17052819号

GMT+8, 2020-12-6 05:51 , Processed in 1.156257 second(s), 23 queries .

Powered by DGDLSW X3.4 大岭山网

© 2006-2020 Comsenz Inc.

快速回复 返回顶部 返回列表